लातुर जिल्हा हा दुष्काळग्रस्तं क्षेत्र व काही प्रमाणात पठारी भाग आहे.ग्रामीण भागातील शेतकरी ,अल्पभूधारक, शेतमजुर ,दारिदय रेषेखालील कुटूंबे याचेसाठी दुग्धव्यवसाय महत्वाचा व्यवसाय आहे. शहरीकरण मोठया प्रमाणात झाल्यामुळे दुधासाठी मागणी वाढलेली आहे.पशुसंवर्धन विभागामार्फत दुग्धव्यवसाय, शेळीपालन व कुक्कुटपालन व्यवसाय वाढीसाठी कालबध्द नियोजन करणेत येत आहे.जिल्हयामधे देवणी व प्रजातीच्या गायीचे संगोपण मोठया प्रमाणात केले जाते तसेच काही प्रमाणात संकरीत गोवंश पण उपलब्ध आहे. मराठवाडी व सुरती या म्हशीच्या जाती प्रमुख्याने आहेत.या जातीमधील दुधाचे प्रमाण चांगले आहे.

जिल्हा परिषदेच्या पशुसंवर्धन विभागामार्फत ग्रामीण भागातील पशुपालकांना पशुवैद्यकीय सेवा उपलब्ध करुन देण्याकरीता श्रेणी-1 चे 30+1 , श्रेणी-2 चे 91 असे एकुण 122 पशुवैद्यकीय दवाखाने खलील प्रमाणे कार्यरत आहेत.

सदर पशुवैद्यकीय दवाखान्यामधुन पशुधनावर उपचार केले जातात.तसेच चापोली ता.चाकुर येथे एक फिरता पशुवैद्यकीय दवाखाना कार्यरत असुन त्याव्दारे दुर्गम भागामधील गावामधील पशुधनावर प्रत्यक्ष उपचार केले जातात.पंचायत समीती स्तरावर पशुधन विकास अधिकारी (विस्तार) हे तालुका समन्वयक अधिकारी म्हणुन काम करीत असतात. सदर पशुवैद्यकीय दवाखान्यामधुन पशुधनावर उपचार केले जातात.

जिल्हयातील पशुवैद्यकीय संस्थामार्फत नाममात्र सेवा शुल्क आकारुन खालीलप्रमाणे पशुवैद्यकीय सेवा पुरविण्यात येतात.

शासन निर्णय 11 ऑक्टोंबर 2010 अन्वये जिल्हा परिषदेकडील पशुवैद्यकीय दवाखान्यामार्फत जमा झलेल्या सेवाशुल्काच्या रकमेपैकी कृत्रीम रेतन कार्याचे सेवाशुल्क वगळुन ऊर्वरीत 100 टक्के सेवाशुल्काची रक्कम पशुवैद्यकीय दवाखान्याच्या बळकटीकरणासाठी जिल्हा परिषदेकडे जमा करणेस मंजुरी प्राप्त झाली असुन सदर सेवाशुल्काचा विनीयोग संबंधित पशुवैद्यकीय दवाखान्याच्या बळकटीकरणासाठी करणेत येणार आहे. कृत्रिम रेतन-जिल्हयातील पशुवैद्यकीय संस्थाना कृत्रिम रेतनाकरीता महाराष्ट्र पशुधन विकास मंडळामार्फत खालील प्रमाणे विर्यमात्रांचा पुरवठा केला जातो.

टिप :- कृत्रिम रेतनाद्वारे संकरीकरणाचे प्रमाण 62.5 टक्के चे मर्यादेत ठेवल्याने जनावरांची प्रतीकारशक्ती चांगली राहते.कृत्रिम रेतनाकरीता शेतकर्यां नी नजिकच्या पशुवैद्यकीय दवाखान्याशी संपर्क करावा. .कृत्रिम रेतनाकरीता महाराष्ट्र पशुधन विकास मंडळामार्फत पुरवठा केलेल्या रेतमात्राचा उपयोग करावा.